Օտարերկրացիների անվճար պատվաստվելու համար մեծ հերթեր են գոյանում Երևանում (լուսանկարներ, տեսանյութ)

Երևանի Հյուսիսային պողոտայում օտարերկրացիների համար տեղակայված Covid-19- ի դեմ պատվաստման շարժական կետում այսօր առավոտից հերթեր ու կուտակումներ են։ Պատվաստվել ցանկացողները հիմնականում իրանցիներ են, քանի որ այնտեղ անվճար չէ կորոնավիրուսի դեմ պատվաստվելը, և կա տարիքային սահմանափակում։

ՀՀ առողջապահության նախարարի որոշման համաձայն՝ Հայաստանում օտարերկրյա քաղաքացիները և քաղաքացիություն չունեցող անձինք հուլիսի 15-ից COVID-19-ի դեմ, ըստ դիմելիության, կարող են պատվաստվել միայն տասն օր և ավելի տևողությամբ Հայաստանի Հանրապետությունում գտնվելու դեպքում: Պատվաստումը կկատարվի «ԱստրաԶենեկա» պատվաստանյութով, միայն շարժական պատվաստումային կետերում։

Շարժական պատվաստումային կետեր տեղակայված են ինչպես մարզերում` Գյումրի, Վանաձոր, Կապան քաղաքներում, այնպես էլ Երևանում, մասնավորապես.

• Հյուսիսային պողոտա,

• «Ռոսիա մոլ» առևտրի կենտրոն,

• «Մեգա մոլ» առևտրի կենտրոն,

• «Դալմա մոլ» առևտրի կենտրոն,

• «Կասկադ» համալիր։

MediaHub- ը լուսանկարել և տեսանկարահանել է մայրաքաղաքի կենտրոնում տիրող իրավիճակը։