Այժմ գիտաշխատողի աշխատավարձը 90 000 դրամ է, իսկ 2025-ին կկազմի 276 000 դրամ. վարչապետ (տեսանյութ)

Aug 24, 2021
1 min read

ՀՀ վարչապետ Նիկոլ Փաշինյանը, ԱԺ-ում ներկայացնելով Կառավարության ծրագիրը, անդրադարձել է գիտական ոլորտում նախատեսվող բարեփոխումներին։

«2021 թվականին գիտական ոլորտի բազային աշխատավարձի ֆոնդը կազմում է շուրջ 4 մլրդ դրամ։ Կայացվել է որոշում, որ 2022 թվականի հունվարից այն կլինի 7.7 մլրդ ՀՀ դրամ, իսկ հաջորդ տարիներին, շարունակաբար աճելով, 2025 թվականին կդառնա 14.4 մլրդ դրամ։ Եթե այժմ գիտական աշխատողի ամսկան միջին աշխատավարձը կազմում է 90 հազար 400 ՀՀ դրամ, ապա 2025 թվականին կազմի 276 հազար դրամ։ Գիտական ստորաբաժանման ղեկավարի ներկայիս 141 հազար 400 ՀՀ դրամ աշխատավարձը 2025 թվականին կդառնա 477 հազար 200 ՀՀ դրամ»,- նշեց Փաշինյանը։