Ադրբեջանի հակահայ քաղաքականությունը 44-օրյա պատերազմից հետո
44-օրյա պատերազմից հետո, ամիսներ անց Ադրբեջանը սկսեց տոնել հայերի դեմ հաղթանակը՝ ցուցադրելով հայ զինվորների սաղավարտներն ու նրանց մոմե մանեկենները, որոնք բոլորն էլ ներկայացված են արժանապատվությունը ոտնահարող, նվաստացուցիչ վիճակում:
«Պուրակի» հրապարակված տեսանյութերից ու լուսանկարներից ակնհայտ էր, որ ցուցադրությունն արված էր Հայաստանի ու Արցախի հայերի, Հայաստանի քաղաքացիների նկատմամբ ատելությունն ու թշնամանքն ավելացնելու համար:
Հերթական քայլերից էր Ադրբեջանում «Հաղթանակի պատմություն» առարկայի դասավանդումը: 2021-2022թթ. ուսումնական տարում Ադրբեջանի դպրոցներում նոր առարկա սկսվեց դասավանդվել՝ «Հաղթանակի պատմություն»:
Առարկան դասավանդվում է շաբաթական մեկ անգամ՝ 10-րդ դասարանի աշակերտների համար: Ընդ որում, անկախ կրթական հաստատությունից, այդ առարկան պարտադիր կերպով դասավանդվում է ադրբեջաներենով:
Նոր հակահայկական քարոզչությունը սպասեցնել չտվեց: Ադրբեջանցիները իրենց դպրոցականների համար նոր տետրեր տպագրեցին, որոնց վրա արցախյան վերջին պատերազմում զոհված ադրբեջանցի զինծառայողների նկարներն են և նրանց կենսագրությունները։
Պատերազմից մեկ տարի անց էլ ադրբեջանը չի հանդարտվել, ինչ քայլեր կհաջորդեն և ինչի կհանգեցնեն այդ քայլերը, պարզ կլինի պատմության հետագա էջերում:
Comments