ԱՀԿ ղեկավարը զգուշացրել է նոր վտանգավոր վիրուսի հայտնվելու մասին

Առողջապահության համաշխարհային կազմակերպության ղեկավար Թեդրոս Ադանոմ Գեբրեյեսուսը նախազգուշացրել է միջազգային հանրությանը ապագայում նոր վտանգավոր վիրուսի հայտնվելու մասին և կոչ արել դասեր քաղել կորոնավիրուսային պանդեմիայից։ Այդ մասին նա հայտարարել է Հռոմում՝ G20-ի առողջապահության և ֆինանսների նախարարների հանդիպմանը։ ԱՀԿ ղեկավարը հիշեցրել է, որ աշխարհում չկա հավասարություն պատվաստանյութերի հասանելիության հարցում։ Ներկայում լիարժեք պատվաստված է մոլորակի բնակչության միայն 36 տոկոսը, Աֆրիկայում այդ ցուցանիշն ընդամենը 6 տոկոս է։