Քաղաքացին ռետինե նավակով շարժվել է դեպի Սևանի թերակղզի և չի վերադարձել. ԱԻՆ

Հուլիսի 25-ին, ժամը 15։44-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ քաղաքացին «Աստղիկ լողափ»-ից ռետինե նավակով շարժվել է դեպի Սևանի թերակղզի և չի վերադարձել. անհրաժեշտ է փրկարարների օգնությունը: Այս մասին հայտնում են ԱԻՆ-ից:

Դեպքի վայր է մեկնել ԱԻՆ ՓԾ մարզային փրկարարական վարչության հատուկ ջրափրկարարական ջոկատից երեք մարտական հաշվարկ։

Ժամը 18:07-ին ջրափրկարարները հայտնաբերել են քաղաքացի Հ․ Մ․-ին (ծնված 2004 թ․) և դուրս բերել ափ։