ԲՀԿ-ն ձեռնպահ է մնում արտահերթ խորհրդարանական ընտրությունների արդյունքները գնահատելուց
«Բարգավաճ Հայաստան» կուսակցությունը ձեռնպահ է մնում հունիսի 20-ին տեղի ունեցած արտահերթ խորհրդարանական ընտրությունների քվեարկության արդյունքները գնահատելուց, քանի դեռ չի պարզվել ընտրություններում թույլ տրված խախտումների հետաքննության ընթացքը:
«Արձանագրվել են հարյուրավոր խախտումներ, որոնց ֆոտո և վիդեո նյութերը տարածվում են սոցիալական ցանցերում, որոնք բավականին լուրջ խախտումներ: Մենք առայժմ զերծ ենք մնում ընտրությունների արդյունքների վերաբերյալ որևէ դատողություն հնչեցնելուց, քանի դեռ հետաքննությունը չի պարզվել»,- ԶԼՄ-ի հետ զրույցում ասաց «Բարգավաճ Հայաստան» խմբակցության քարտուղար Արման Աբովյանը:
Նա նշեց, որ իրենք վերլուծելու են կատարված բոլոր խախտումները, որոնք վերաբերում են ինչպես քվեարկության գործընթացին, այնպես էլ ընտրական գործընթացներին:
«Դրանից հետո մենք միայն կարտահայտենք մեր դիրքորոշումը», - ասաց Աբովյանը:
Comments