Ամենատարածված խնդիրն աշխատանքից ազատելիս աշխատողի հետ վերջնահաշվարկ չկատարելն է․ ՄԻՊ
- Dec 30, 2021
- 1 min read
Մարդու իրավունքների պաշտպանը Բուլղարիայի Հանրապետության արտաքին գործերի նախարարության աջակցությամբ հրապարակել է իրազեկող տեսանյութ աշխատողի հետ կատարվող վերջնահաշվարկի կարգի վերաբերյալ: Այս մասին հայտնում են ՄԻՊ գրասենյակից։
«2020 թվականի ընթացքում ՀՀ մարդու իրավունքների պաշտպանին բողոքներով բարձրացված թերևս ամենատարածված խնդիրն աշխատանքից ազատելիս աշխատողի հետ վերջնահաշվարկ չկատարելը կամ ոչ ամբողջովին կատարելն է: Այս խնդրին Մարդու իրավունքների պաշտպանը մշտապես անդրադառնում է իր գործունեությունն ամփոփող տարեկան հաղորդումներում:
Մարդու իրավունքների պաշտպանը վերահաստատում է իր դիրքորոշումը, ըստ որի՝ աշխատանքային պայմանագիրը լուծելիս աշխատողի հետ վերջնահաշվարկ կատարելը գործատուների ոչ թե իրավունքն է, այլ պարտականությունը, իսկ գործատուի և աշխատողի համաձայնությամբ վերջնահաշվարկի այլ կարգ նախատեսելու հնարավորությունը վերաբերում է ոչ թե վերջնահաշվարկ կատարելու կամ չկատարելու կողմերի հայեցողությանը, այլ վերջնահաշվարկի կատարման կարգին, օրինակ՝ ժամկետին:
«Հ.Գ. «Հետք Մեդիա գործարան»-ի լրագրողական հետաքննությունը սուպերմարկետներում աշխատանքային իրավունքների խախտումների վերաբերյալ նյութը մեզ մոտ ուսումնասիրվել է և այսօր այն, ըստ իրավասության, ուղարկում եմ ՀՀ առողջապահության և աշխատանքի տեսչական մարմին՝ աշխատանքային իրավունքների հարցով ուսումնասիրությունների կամ արված լինելու դեպքում Տեսչական մարմնից տեղեկություններ ստանալու համար»,- նշում են ՄԻՊ գրասենյակից։
Comments