Ընտրողները բոյկոտե՞լ են․ Գեղարքունիքի երկու գյուղում մասնակցությունը զրո է եղել

Գեղարքունիքի մարզի Ծովագյուղ և Սեմյոնովկա գյուղերում այսօր բնակիչներից և ոչ մեկը չի մասնակցել տեղական ինքնակառավարման մարմինների (ՏԻՄ) ընտրություններին։ Այդ մասին գրում է hetq.am-ը։

Ծովագյուղի համայնքապետի ժամանակավոր պաշտոնակատար Վահրամ Գևորգյանը նշեց, որ ընտրություններին չմասնակցելու պատճառը համայնքների խոշորացումն է։ Սեմյոնովկա համայնքի համայնքապետի ժ/պ Դավիթ Մնացականյանի փոխանցմամբ՝ նույն պատճառով ընտրություններին չեն մասնակցել նաև Սեմյոնովկա համայնքի բնակիչները։ Ծովագյուղ համայնքում ընտրելու իրավունք ունի 2927 քաղաքացի, իսկ Սեմյոնովկայում՝ 195։ 17։00-ի դրությամբ այդ երկու գյուղի բնակիչներից և ոչ մեկը քվեարկությանը չի մասնակցել։