WWF-Հայաստանը Բնապահպանության և ընդերքի տեսչական մարմնին 1,3 մլն դրամի գույք կնվիրաբերի

WWF-Հայաստանը Տեսչական մարմնին անհատույց սեփականության իրավունքով նախատեսվում է նվիրաբերել 2 գովազդային վահանակ (չափսը 3մ/6մ)՝ 1 380 000 դրամ արժողությամբ, որոնք տեղադրվելու են Սյունիքի մարզի երկու առավել մեծ ուղևորահոսք ունեցող համայնքներ տանող ճանապարհներին։ Համապատասխան որոշման նախագիծը ներառված է Կառավարության այսօր նիստի օրակարգում։

Նախագծի ընդունումը պայմանավորված է ՀՀ բնապահպանության և ընդերքի տեսչական մարմնի և Բնության համաշխարհային հիմնադրամի հայաստանյան մասնաճյուղի հետ համատեղ «Հայաստանում էկոլոգիական միջանցքների ստեղծում» ծրագրի շրջանակներում նախատեսված «Բնությունը մենք ենք» սոցիալական գովազդային արշավի բնականոն իրականացումը ապահովելու անհրաժեշտությամբ: