«Arna». թուրքական անձանունը՝ Հայաստանի նոր ազգային ավիափոխադրողի անուն

Հայաստանում նոր ազգային ավիափոխադրողի անունը հայտնի է՝ «Fly Arna»։ Այդ մասին թելեգրամյան իր ալիքում գրել է քաղաքագետ Անդրանիկ Հովհաննիսյանը։ Նա նշել է, որ, ըստ ավիափոխադրող ընկերության, «Arna»-ն հապավում է, նշանակում է «Armenian National Airline» (Հայաստանի ազգային ավիաուղի)։ «Մինչդեռ պարզվում է, որ «Arna»- ն Թուրքիայում տղամարդու ամենատարածված անուններից է։ Զուգադիպությունները շա՞տ չեն․ արտահերթ խորհրդարանական ընտրությունների նախօրեին պարզվեց, որ «Քաղաքացիական պայմանագիր» կուսակցության անդամներն իրենց ընտրական կարգախոսը վերցրել են թուրքական կուսակցություններից մեկից, այնուհետև պարզվել է, որ նույնիսկ Նիկոլ Փաշինյանի կուսակցության զինանշանն ունի թուրքական բնօրինակ, իսկ այժմ օդային փոխադրումները կոչվում են թուրքական անունով»,- գրել է նա։ Բացի այդ, ըստ Անդրանիկ Հարությունյանի՝ հայկական կողմից «Arna» ավիափոխադրողի ստեղծման գործում հիմնական ներդրումն է ունեցել «տխրահռչակ օլիգարխ», հայ-թուրքական սահմանի բացման «եռանդուն կողմնակից» Խաչատուր Սուքիասյանը։