ՆԱՏՕ-ն պատրաստ է պաշտոնապես հանդես գալ ընդդեմ Եվրոպայում ցամաքային միջուկային հրթիռների տեղակայման

ՆԱՏՕ-ի շրջանակում դաշնակիցները պաշտոնապես պատրաստ են հանդես գալ ընդդեմ Եվրոպայում ցամաքային միջուկային հրթիռների տեղակայման հունիսի 14-ին Բրյուսելում պետությունների ղեկավարների հետ Ջո Բայդենի հանդիպումից հետո, հաղորդում է Defense News-ը:

Այդ դիրքորոշումը շարադրված է նախագծի հաղորդագրության մեջ, որը կհրապարակվի ՆԱՏՕ-ի գագաթնաժողովից հետո: Այդ քայլը դիտարկվում է՝ որպես Մոսկվայի հետ հարաբերություններում լարվածությունը թուլացնելու և սպառազինությունների նկատմամբ վերահսկողության հարցում երկխոսությունն ակտիվացնելու հնարավոր միջոց Ժնևում հունիսի 16-ին ռուս-ամերիկյան գագաթնաժողովի նախօրեին: