ԱԱԾ պահեստազորի սպաները ծաղիկներ խոնարհեցին Հաղթանակի զբոսայգում ու պատիվ առան (լուսանկարներ)

«ԱԱԾ պահեստազորի սպաների միության» անդամները Հաղթանակի օրվա կապակցությամբ ծաղիկներ են խոնարհել «Հաղթանակի զբոսայգում»՝ Անհայտ զինվորի հիշատակը հավերժացնող անմար կրակի առջև:

Գեներալական մունդիրներով ու զինվորական կարգուկանոնով՝ ԱԱԾ պահեստազորի սպաները մոտեցան անմար կրակին, պատիվ առան ու խոնարհվեցին իրենց պապերի կողմից կերտված հաղթանակում կրած դժվարությունների ու կորուստների համար: Պատիվ առան ու երևի յուրաքանչյուրն իր մտքում երդվեց ապագայի հաղթանակների սկիզբը դնել այսօր՝ հենց այդ պահին:

Իսկ ավարտին՝ խմբակային լուսանկար «Մայր Հայաստանի» հուշարձանի մոտ՝ ի նշան հավատարմության անցյալին ու ապագայի պայծառ տեսլականի: