Աբխազիայի լեռներում ռուս զբոսաշրջիկներ են կորել. Աբխազիայի ԱԻՆ մամուլի ծառայություն

Աբխազիայի արտակարգ իրավիճակների նախարարության աշխատակիցները Սուխումիի շրջանում 6 ռուսաստանցիներից բաղկացած զբոսաշրջային խումբ են փնտրում: Այս մասին տեղեկացնում է Աբխազիայի արտակարգ իրավիճակների նախարարության մամուլի ծառայությունը: «Մայիսի 12-ին, Մոսկվայի ժամանակով ժամը 11:20-ին, Աբխազիայի արտակարգ իրավիճակների նախարարությունը հաղորդագրություն է ստացել, որ զբոսաշրջային խումբը փորձում է ինքնուրույն իջնել սարից, բայց զբոսաշրջիկներից մեկը չի կարող դա անել և օգնության կարիք ունի»,-ասված է հաղորդագրության մեջ:

Նշվում է, որ ռուսները փրկարարներին են տվել նրա գտնվելու վայրի մոտավոր կոորդինատները, սակայն ուղղաթիռով նշված տարածքի վրայով թռիչքը արդյունք չի տվել: