Ադրբեջանը Նախիջևանում հակաահաբեկչական զինավարժություններ է անցկացնում

Ադրբեջանի ԶՈՒ Նախիջևանի առանձնացված ընդհանուր զորատեսակային բանակում անցկացվել են հատուկ տակտիկական նշանակության զորավարժություններ, որոնց նպատակն է եղել մշակել հակաահաբեկչական գործողությունների հմտություններ։

Զորավարժությունները հսկվել են նաև թուրքական բանակի ներկայացուցիչների կողմից։ Ուշագրավ է այն, որ զորավարժության ընթացքում, ըստ սցենարի, հատուկ նշանակության ստորաբաժանման զինվորները հակաահաբեկչական գործողություն են իրականացրել, նպատակ ունենալով բռնել ահաբեկչական խմբավորման ղեկավարին, հայտնաբերել և ոչնչացնել այդ խմբավորման զինապահեստները։