Ադրբեջանի ԳՇ պետը Թուրքիայի ՊՆ-ի հետ քննարկել է ռազմական գործակցության հարցեր

Ադրբեջանի պաշտպանության նախարարի առաջին տեղակալ, Գլխավոր շտաբի պետ, գեներալ-լեյտենանտ Քերիմ Վելիևը հանդիպել է Թուրքիայի պաշտպանության նախարար Հուլուսի Աքարի հետ. այդ մասին հայտնում են ադրբեջանական լրատվամիջոցները՝ հղում կատարելով ՊՆ-ին:

Հանդիպումների ընթացքում քննարկվել են ռազմական, ռազմատեխնիկական, ռազմակրթական, ինժեներական և այլ ոլորտներում գործակցության զարգացման հարցեր:

Ավելի վաղ հայտնել էինք, որ Ադրբեջանի պաշտպանության նախարարի առաջին տեղակալ Քերիմ Վելիևը պաշտոնական այցով գտնվում է Թուրքիայում։