Ադրբեջանը տեղափոխվել է Հայաստանի կառավարության շենք․ Տիգրան Քոչարյան

Այս իշխանությունը բանավոր դելիմիտացիա արեց ու Սյունիքի վիճելի տարածքը համարեց ադրբեջանական։ Այդ մասին այսօր հրավիրած ասուլիսում ասաց մեդիափորձագետ Տիգրան Քոչարյանը։

Նրա խոսքով՝ Նիկոլ Փաշինյանն ադրբեջաներենով ասաց Սյունիքի գյուղերից երկուսի անունը՝ կատարելով իրեն իջեցված պատվերը։

«Բայց մենք չպետք է լռենք։ Խնդիրը ոչ թե Սյունիքը կամ Արցախն է, այլ Հայաստանի հարցն է սեղանին»,- նկատեց նա։

Ըստ Տիգրան Քոչարյանի՝ Ադրբեջանը տեղափոխվել է Հայաստանի կառավարության շենք։ Ուստի, ըստ նրա, պետք է րոպե առաջ հեռացնել այս իշխանությանը։