Աֆղանստանի իշխանությունները դեմ չեն, որ Քաբուլի օդանավակայանի անվտանգությունն ապահովի Թուրքիան

Աֆղանստանի իշխանությունները դեմ չեն, որ մայրաքաղաք Քաբուլի միջազգային օդանավակայանի անվտանգությունն ապահովի թուրքական զորակազմը՝ ամերիկյան զորքերի դուրս բերումից հետո։ Այս մասին հայտարարել է Աֆղանստանի նախագահի ավագ խորհրդական Քալյամուդդին Շինվարին։ Նա մանրամասնել է, որ Անկարան դա առաջարկել է Վաշինգտոնին, որպեսզի ԱՄՆ-ից որոշ արտոնություններ ստանա, սակայն աֆղան ժողովրդի համաձայնությունն այս հարցում հանդիսանում է նախապայման։

«Աֆղանստանի կառավարությունը այդ հարցում որևէ խնդիր չունի Թուրքիայի հետ»,- ասել է Շինվարին, ի պատասխան այն հարցին, թե արդյոք պաշտոնական Քաբուլը դեմ է կամ կողմ իրադարձությունների նման զարգացմանը։