Աղվան Հովսեփյանը չի ընդունում իրեն առաջադրված մեղադրանքը․ փաստաբան
Sep 7, 2021
1 min read
ՀՀ նախկին գլխավոր դատախազ, ՔԿ նախկին նախագահ, իրավագիտության դոկտոր Աղվան Հովսեփյանը չի ընդունել իրեն առաջադրված մեղադրանքները։ Այդ մասին MediaHub.am-ի հետ զրույցում ասաց Հովսեփյանի փաստաբան Գագիկ Խաչիկյանը։
Նա նշեց, որ Աղվան Հովսեփյանին առաջադրված մեղադրանքներն իրականության հետ կապ չունեն։
«Այս պահին նրա մասնակցությամբ կատարվում են քննչական գործողություններ, որոնց ավարտից հետո փաստաբանները հանդես կգան հայտարարությամբ՝ ներկայացնելու մեղադրանքների անհիմն լինելը»,- տեղեկացրեց Խաչիկյանը։
Պաշտպանական կողմը քննարկում է ձերբակալման իրավաչափությունը դատական կարգով վիճարկելու հարցը։
Comments