Ակցիա իրականացնող արցախցիներին ընդունել է փոխվարչապետ Մհեր Գրիգորյանը

Այս պահին կառավարության շենքի մոտ բողոքի ակցիա իրականացնող տեղահանված արցախցիներից երեքը հանդիպում են փոխվարչապետ Մհեր Գրիգորյանի հետ։

Արցախցիները պահանջում են, որ ՀՀ կառավարությունն իրենց հետ հաշվի նստի բնակարանների կառուցման հարցում։

Պատերազմից հետո տեղահանված արցախցիների համար Ստեփանակերտում բնակարաններ են կառուցում, սակայն այդ փաստը մասամբ է բավարարում արցախցիներին։ Նրանցից ոմանք ցանկանում են բնակություն հաստատել Հայաստանում, քանի որ, իրենց խոսքով՝ քանի դեռ լուծված չէ Արցախի կարգավիճակի հարցն, իրենցից շատերը չեն ուզում մեկնել Արցախ։