Ալեն Սիմոնյանը նկատողություն հայտարարեց Գեղամ Նազարյանին. վերջինս լքեց նիստերի դահլիճը

ԱԺ-ում ՔՊ-ական պատգամավոր Լուսինե Բադալյանի հարցից հետո իրավիճակը լարվեց: Տնտեսական հարցերի հանձնաժողովի նախագահի քննարկման ժամանակ Լուսինե Բադալյանն ասաց.

«Ներքին քաղաքականության անկայունությունը, ինչպես նաև ատելության մթնոլորտը, որը գեներացվում էր ընդդիմության կողմից, էապես նպաստում են ներդրումների անկմանը»:

Լուսինե Բադալյանի հայտարարությունը բարկացրեց «Հայաստան» խմբակցության պատգամավոր Գեղամ Նազարյանին, վերջինս սկսեց տեղից արձագանքել Բադալյանին: ԱԺ նախագահ Ալեն Սիմոնյանը նկատողություն հայտարարեց Գեղամ Նազարյանին, վերջինս էլ լքեց նիստերի դահլիճը: