Քանի՞ դասախոս, մանկավարժ, դաստիարակ կամ գիտնական է պարգևավճար ստացել 30-ամյակի առթիվ․ Պարսյան
Տնտեսագետ Սուրեն Պարսյանը ֆեյսբուքյան իր էջում գրել է․
Քանի՞ դասախոս, մանկավարժ, դաստիարակ կամ գիտնական է պարգևավճար ստացել 30-ամյակի առթիվ
Իշխանությունների ներկայացուցիչները հայտարարեցին, որ Հայաստանի Հանրապետության անկախության 30-ամյակի առթիվ՝ պետական ապարատի բոլոր ներկայացուցիչները պարգևատրվել են։
Դասախոսները, մանկավարժները, դաստիարակները և գիտնականները նույնպես պետական հատվածի ծառայողներ են, որոնց պետությունը վարձել է կրթության-գիտության-դաստիարակության գործառույթները կատարելու համար, բայց արի ու տես, որ դասախոսների, մանկավարժների, դաստիարակների և գիտնականների երկարամյա աշխատանքը, նրանց ներդրումն ավելի պակաս կարևորություն ունի, քան մի ամիս աշխատած պատգամավորներինը․․․ սա ուղղակի ամոթ է և անարդար։
Սոցիալական պետությունը կենացներով և հայտարարություններով չի կառուցվում։
Comments