ԱՄՆ սենատորը ՌԴ-ի հետ Բայդենի փոխգործակցությունը համարել Է միջուկային պատերազմ թույլ չտալու երաշխիք
ԱՄՆ-ի նախագահ Ջո Բայդենը ՌԴ-ի ղեկավար Վլադիմիր Պուտինի հետ անցկացված գագաթնաժողովի ընթացքում ցույց Է տվել, որ հասկանում Է Ռուսաստանի հետ փոխգործակցության կարևորությունը սպառազինությունների նկատմամբ վերահսկողության հարցերում՝ միջուկային պատերազմից խուսափելու նպատակով: Այդ մասին, հայտարարել Է ԱՄՆ-ի Սենատի միջազգային հարաբերությունների կոմիտեի նախագահ Բոբ Մենենդեսը:
«Նախագահ Բայդենը պարզորոշ հասկանալ Է տվել, որ իր վարչակազմը հասկանում Է այն կարևորագույն սկզբունքը, որի համաձայն, մենք պետք Է Ռուսաստանի հետ փոխգործակցենք սպառազինությունների նկատմամբ վերահսկողության հարցերում՝ երաշխավորելու, որ երբեք միջուկային պատերազմ տեղի չունենա»,-ասվում Է Մենենդեսի հայտարարության մեջ, որը հրապարակվել Է կոմիտեի կայքում:
Նա ողջունել Է «ռազմավարական կայունության հարցերի շուրջ երկխոսության կարգավորումը և հույս Է հայտնել, որ «կհաջողվի նշանակալի առաջընթացի հասնել զինված հակամարտությունների ռիսկի նվազեցման գործում»:
Մենենդեսը խոստացել Է, որ Սենատի միջազգային հարաբերությունների կոմիտեն կշարունակի խիստ հսկողություն իրականացնել Ռուսաստանի նկատմամբ ԱՄՆ-ի քաղաքականության հարցում՝ «ապահովելու վարչակազմի հռետորաբանության համապատասխանությունը նրա գործողություններին»:
Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի հանդիպումը տեղի Է ունեցել հունիսի 16-ին Ժնևում:
Բանակցությունները տևել են չորս ժամից պակաս այն դեպքում, երբ դրանց հատկացված Է եղել չորս-հինգ ժամ, հաղորդել Է «Ինտերֆաքս»-ը:
Comments