Վաշինգտոնը պատրաստ է աջակցել Հայաստանի և Ադրբեջանի միջև խնդիրների կարգավորմանը. Բաքվում ԱՄՆ դեսպան

ԱՄՆ-ը պատրաստ է աջակցել Ադրբեջանի և Հայաստանի միջև խնդիրների կարգավորմանը։ Այդ մասին այսօր հայտնել է Բաքվում ԱՄՆ դեսպան Լի Լիտցենբերգերը:

«Բոլորին պարզ է, որ մինչ օրս երկու երկրների միջև բազմաթիվ չլուծված խնդիրներ կան: Դա երկարատև գործընթաց է լինելու և համատեղ աշխատանք ու հանդիպումներ կպահանջի՝ կարգավորելու համար խնդիրները»,- ասել է դիվանագետը:

Նրա խոսքով՝ Վաշինգտոնն Ադրբեջանի և Հայաստանի միջև խնդիրների կարգավորման համար փնտրում է հնարավորություններ: