ԱՄՆ-ում դանակով զինված տղամարդը վիրավորել է 11 մարդու

Feb 14, 2022
1 min read

ԱՄՆ-ի հարավ-արևմուտքում գտնվող Նյու Մեքսիկո նահանգի Ալբուկերկ քաղաքում անհայտ անձը դանակով վիրավորել է 11 մարդու. հաղորդվում է տեղի ոստիկանության մամուլի ծառայության թվիթերյան էջում։ Զինված տղամարդը ձերբակալվել է։

Ոստիկաններն ուսումնասիրում են հանցագործության 7 հնարավոր վայր՝ դանակի կիրառմամբ հարձակման հետևանքով 11 տուժածի մասին հաղորդագրությունների ֆոնին։ Տուժածների վիճակը կայուն է։

Տեղական KRQE News 13 հեռուստաալիքը, հղում անելով իրավապահ մարմիններին, փոխանցում է, որ հարձակումը տեղի է ունեցել քաղաքի մի քանի շրջաններում։ Կասկածյալը տեղաշարժվել է BMX հեծանվով, ձեռքին եղել է մեծ դանակ։ Նա հարձակումներ է գործել պատահականության սկզբունքով։