ԱՄՆ ֆինանսների նախարարությունը հավելյալ պատժամիջոցներ է սահմանել Ռուսաստանի դեմ

ԱՄՆ-ը պատժամիջոցներ է սահմանել 7 մարդու նկատմամբ, ովքեր, բրիտանական և ամերիկյան իշխանությունների տվյալներով, հանդիսանում են ռուսական հետախուզության աշխատակցիներ և կասկածվում են Ալեքսեյ Նավալնիի թունավորմանը մասնակցություն ունենալու մեջ։ Պատժամիջոցներ են սահմանել նաև ՌԴ 2 կառույցների՝ Անվտանգության դաշնային ծառայության քրեագիտության ինստիտուտի և ՌԴ ռազմաբժշկության փորձագիտական ինստիտուտի նկատմամբ։ Այդ մասին հաղորդվում է ԱՄՆ ֆինանսների նախարարության կայքում։

Հիշեցնենք՝ Նավալնին անգիտակից վիճակում ինքնաթիռից հոսպիտալացվել էր 2020 թվականի օգոստոսի 20-ին։ Այնուհետև Օմսկի կլինիկայից նրան տեղափոխել էին Բեռլին, որտեղ հայտարարել էին, որ նա թունավորվել է «Նովիչոկ» խմբի նյութով։