Քոչարյանը չհերքեց, որ պայմանավորվածություն կա սկսել դեմարկացիայի և դելիմիտացիայի գործընթաց

Այսօր Ազգային ժողովում ՔՊ-ական պատգամավոր Անդրանիկ Քոչարյանն, անդրադառնալով մամուլի հրապարակումներին, չհերքեց, որ Մոսկվայում Ադրբեջանի ու Հայաստանի միջև բանակցություններից հետո, կարծես թե, հաջողվել է պայմանավորվել` սկսելու դեմարկացիայի և դելիմիտացիայի գործընթացը։

«Ես չեմ կարող հաստատել, ոչ էլ հերքել, բայց կարող եմ ասել, որ հրադադարի ռեժիմը հաստատելուց հետո գնում են խորհրդատվություններ ու, բնականաբար, մենք պետք է մտնենք այդ փուլ, որովհետև պետք է կարողանանք լարվածության թուլացման ու դեպի խաղաղություն գնացող գործընթացը դարձնել անշրջելի», - ասաց նա։