Կանխվել է ապօրինի հողազավթման հերթական փորձը. Արաբկիր վարչական շրջան
Sep 17, 2021
1 min read
Արաբկիր վարչական շրջանից տեղեկացնում են.
«Արաբկիր վարչական շրջանի աշխատակիցների կողմից կանխվել է ապօրինի հողազավթման հերթական փորձը: Ղափանցյան փողոցի հարակից տարածքում (կամրջի հարևանությամբ) համայնքային հողի վրա տեղադրված բետոնե հիմքով սյուներն ապամոնտաժվել են իրավախախտ քաղաքացու կողմից:
Հարգելի՛ քաղաքացիներ, ձեր կառուցածը ձեր իսկ ձեռքով քանդելու տհաճությունից խուսափելու համար ևս մեկ անգամ հորդորում ենք զերծ մնալ ապօրինություններից։
Արաբկիր վարչական շրջանի ղեկավարի աշխատակազմը պատրաստ է խորհրդատվություն տրամադրել այն քաղաքացիներին, ովքեր ցանկանում են շինարարություն սկսել։
Խորհրդատվության համար կարող եք այցելել Քաղաքաշինության և հողօգտագործման բաժին կամ զանգահարել 011518233, 011518234 հեռախոսահամարներով»։
Comments