Արարատ Միրզոյանը չի ընդունում որևէ պաշտոնի առաջարկ. «Հրապարակ»

«Հրապարակ» օրաթերթը գրում է.

«Արարատ Միրզոյանը, ով հաջորդ խորհրդարանում, քաղաքական թիմի որոշմամբ, այլևս չի զբաղեցնի ԱԺ խոսնակի պաշտոնը, խոր դեպրեսիայի մեջ է՝ վիրավորված է իր հանդեպ վերաբերմունքից։ Նա չի ընդունում որևէ պաշտոնի առաջարկ, իսկ առաջարկել են արտգործնախարարի, ցանկացած որեւէ երկրում դեսպանի պաշտոնները։

Երեքշաբթի օրը ՔՊ վարչության նիստում Փաշինյանը Միրզոյանին ևս մեկ անգամ արտգործնախարարի պաշտոնն առաջարկելուց և մերժում ստանալուց հետո տեղում որոշում է կայացրել, որ Արմեն Գրիգորյանը կդառնա արտգործնախարար։ Ապա նրա տեղը՝ ԱԱԽ քարտուղարի պաշտոնն է առաջարկել Միրզոյանին, բայց վերջինս դա էլ է մերժել։ Նրա շրջապատում կարծում են, որ գուցե վայր չդնի մանդատը, սակայն դժվար թե հաճախի ԱԺ նիստերին և ինչ-որ պահի հեռանա թիմից»։