Արայիկ Հարությունյանը մասնակցել է Ճարտարապետի միջազգային օրվան նվիրված միջոցառմանը

Վարչապետի աշխատակազմի ղեկավար Արայիկ Հարությունյանն այսօր այցելել է Հայաստանի ճարտարապետների պալատ և մասնակցել Ճարտարապետի միջազգային օրվան նվիրված միջոցառմանը: Այդ մասին հայտնում են ՀՀ կառավարությունից:

Վարչապետի աշխատակազմի ղեկավարը շնորհավորել է ճարտարապետներին մասնագիտական տոնի կապակցությամբ և մաղթել ստեղծագործական հաջողություններ: Իր խոսքում Արայիկ Հարությունյանը նշել է, որ ճարտարապետի մասնագիտությունը մշտապես արժևորվել է հայ հասարակության կողմից, և Կառավարությունն իր հերթին կարևորում է այս ոլորտի շարունակական զարգացումը: