Արցախի խնդրից պետք է տարանջատել Թուրքիայի հետ հարաբերությունները․ ԱԽ քարտուղար

«Շատ կարևոր է, որ մենք հարաբերությունները կարգավորում ենք Թուրքիայի հետ։ Ընդ որում՝ Թուրքիայի հետ հարաբերությունների կարգավորումը պետք է տարանջատել Ադրբեջանի հետ հարաբերություններից, եթե այդպիսիք կան»,-այսօր կառավարությունում լրագրողների հետ ճեպազրույցի ժամանակ ասաց ԱԽ քարտուղար Արմեն Գրիգորյանը։

Անդրադառնալով Արցախի կարգավիճակի հարցին՝ Գրիգորյանն ասաց․

«Ինչ վերաբերում է կարգավիճակի հարցին, Լեռնային Ղարաբաղի խնդրի կարգավորման միակ և կարևոր հարթակն, իհարկե, ԵԱՀԿ Մինսկի խումբն է։ ԼՂՀ կարգավիճակի հարցը սպասում է իր լուծմանը, և այդ լուծումը մենք տեսնում ենք ԵԱՀԿ Մինսկի խմբի շրջանակում»։

Մանրամասները՝ տեսանյութում։