Արմավիրում այս պահին 87 դի և 58 անձի մասունք կա
Jun 4, 2021
1 min read
Սառնարանային կամ արտաքին միջավայրի որոշակի ջերմային պայմաններն էական նշանակություն չեն կարող ունենալ դիակի պահպանման հարցում, երբ դրանք քայքայված են։ Այդ մասին այսօրվա ասուլիսում հայտարարեց Դատաբժշկական գիտագործնական կենտրոնի Արմավիրի բաժնի վարիչ Սերգեյ Աբգարյանը։
Նրա խոսքով՝ մասունքները սառնարններում պահելն ավելի շատ էմոցիոնալ ֆոնի հարց է, որ իրենք հանգիստ լինեն, թե տղաների մարմինները գտնվում են սառնարանում։
«Սառնարանում այդ աստիճան նեխաման ենթարկված դիակների պահպանման փաստացի գործընթաց տեղի չի ունենում։ Սառնարանն ուղղակի դանդաղեցնում է այդ պրոցեսը»,- ասաց նա։
Նա նաև նշեց, որ Արմավիրի մարզային բաժնում այս պահին գտնվում է 87 դի և 58 անձի մասունք։
Comments