Այս իշխանությունը մարդկանց դնում է չորքոտանի երկարականջավորի տեղ․ Արմեն Աշոտյան
«Պատիվ ունեմ» դաշինքի ներկայացուցիչ Արմեն Աշոտյանն այսօր հրավիրած ասուլիսի ընթացքում անդրադարձավ Սերժ Սարգսյանի հրապարակած աղմկահարույց ձայնագրությանը՝ նշելով, որ այդ ձայնագրությունն ամբողջությամբ ծառայեց նպատակին և ապացուցեց, որ Նիկոլ Փաշինյանը Սերժ Սարգսյանից ստացել է շատ լավ բանակցային ժառանգություն։
Նրա խոսքով՝ մինչև 2018 թվականը Հայաստանը ստացել է Արցախի կարգավիճակի ճանաչման հնարավորություն։
Ըստ նրա՝ պետք է հասկանալ, որ «տգետ ու տհաս վիժվածքը» դիտավորյալ տապալել է բանակցությունները։
«Դրանով է նա բերել պատերազմ Արցախի ու Հայաստանի գլխին։ Նա զրոյացրել է բանակցությունները»,- շեշտեց Աշոտյանը։
Արմեն Աշոտյանը նշեց, որ սա քարոզարշավ չէ, սա «վշտարշավ» է, որովհետև այս իրավիճակում սեթևեթելը, մարդկանց չորքոտանի երկարականջավորների տեղ դնելը անբարոյականություն է, և դրանով է զբաղված այս իշխանությունը։
Նրա խոսքով՝ Նիկոլ Փաշինյանը չի դադարել լինել ՀՀ- ի դաշնակցի՝ ՌԴ-ի դեմ աշխատող մեկը։
Comments