Արմեն Սարգսյանը հանդիպել է ճապոնական «YAMAHA» ընկերության ներկայացուցչի հետ

Աշխատանքային այցով Ճապոնիայում գտնվող Հայաստանի Հանրապետության նախագահ Արմեն Սարգսյանը հանդիպում է ունեցել ճապոնական հանրահայտ YAMAHA ընկերության ներկայացուցիչների հետ։

Այս մասին հայտնում են ՀՀ նախագահի աշխատակազմից՝ նշելով, որ Արմեն Սարգսյանին ներկայացվել են ընկերության գործունեության ուղղություններն ու նոր նախագծերը, արհեստական բանականությամբ գործող սարքավորումների հնարավորություններն ու կարողությունները, ինչպես նաև միջազգային համագործակցության ուղղությամբ իրականացվող աշխատանքները։

Նախագահ Սարգսյանը ընկերության ներկայացուցիչների հետ քննարկել է փոխգործակցության հնարավորությունները։ Մասնավորապես՝ անդրադարձ է եղել արհեստական բանականության ոլորտում համատեղ ծրագրերի իրականացմանն ու դրանց ուղղություններին, ինչպես նաև Հայաստանում ընկերության ներկայացվածությանը:

Ամբողջական հոդվածը կարող եք կարդալ այս հասցեով՝ : https://hraparak.am/post/4113766c034d1fc0f6bb423229bb7deb?fbclid=IwAR3HJ2xx0pQMYEQmTO9EmSLhpGvDH2Dp5USW86SQ1WfWiZrTXS8z0xAFr7s

© 2008 - 2021 «Հրապարակ օրաթերթ»