Արմեն Սարգսյանին ՍԴ հրավիրելու Հրայր Թովմասյանի երկրորդ միջնորդությունը մերժվեց
Jul 10, 2021
1 min read
Սահմանադրական դատարանի դատավոր Հրայր Թովմասյանի երկրորդ միջնորդությունը՝ ընտրությունների արդյունքները վիճարկելու հարցով ՍԴ նիստին որպես վկա հրավիրել ՀՀ նախագահ Արմեն Սարգսյանին, մերժվեց։
«Դատավոր Թովմասյանի երկրորրդ միջնորդությունը՝ ՀՀ նախագահին որպես վկա հրավիրելու ու ցուցմունքը լսելու, դատարանը որոշեց մերժել», - հայտարարեց ՍԴ նախագահ Արման Դիլանյանը։
Հրայր Թովմասյանը երեկ նույնպես միջնորդել էր նախագահ Արմեն Սարգսյանին հրավիրել այս գործով դատաքաննությանը, որպեսզի նա ներկայացնի, թե ինչ պայմաններում է որոշել ընտրության օր նշանակել հունիսի 20-ը:
ՍԴ-ն այդ միջնորդությունը նույնպես մերժել էր։
Comments