Նիկոլի համար Արցախ հանձնելը մեկքայլանի կոմբինացիա է․ Արսեն Բաբայան

«Հայրենիք» կուսակցության խորհրդի անդամ Արսեն Բաբայանը ֆեյսբուքյան իր էջում գրում է․

«2018 թվականի հունիսն էր: Ընկերներիցս մեկի հետ այս իշխանության ձեռքում հայտնված Արցախի ճակատագիրն էինք քննարկում: Ես պնդեցի, որ շատ վտանգավոր վիճակում ենք, քանի որ Նիկոլի համար Արցախ հանձնելը մեկքայլանի կոմբինացիա է. ընդամենը հրավիրված մեծ հանրահավաքում ժողովրդին հարցնում է՝ «սիրելի հպարտ ժողովուրդ, Արցախի հարցը կարող ենք լուծել հենց հիմա, կարող ենք վերադարձնել այդ 7 շրջանները, որոնց պահելու պատճառով մենք չենք կարողանում հարուստ լինել, բայց որոշողը դուք եք, սիրելի հպարտ ժողովուրդ: Եթե որոշեք պահել այդ տարածքները, ապա ես կենթարկվեմ ձեր այդ որոշմանը և թող իմ որդին առաջինը զոհվի հանուն Արցախի»:

Ես պնդեցի, որ այս վերջին կեղծ նախադասությունից հետո հրապարակում հավաքված տասնյակ հազարավոր մայրեր կհուզվեն, լաց կլինեն իրենց որդիների ու Աշոտի հնարավոր կորստից ու հրապարակը կգոռա՝ «թուրքինը վերադարձնենք թուրքին»:

Ընկերս բարկացավ, ասեց՝ դու հասկանո՞ւմ ես, թե ինչ ես խոսում: Ժողովուրդը հենց հրապարակի կենտրոնում հող հանձնողին կհանձեն հողին: Ես շատ ուրախացա ու ոգևորվեցի ընկերոջս բարկացած պնդումից:

Հիմա, երբ ունենք շուրջ 5000 զոհ, հանձնված 9 շրջան, 7-ի փոխարեն, տասնյակ հազարավոր վիրավորներ, տեղահանվածներ, վտանգված Սյունիք, Գեղարքունիք, Տավուշ և ընդհանրապես վտանգված ամբողջ Հայրենիք ու վերարտադրված կապիտուլյանտ՝ մտածում եմ երանի իմ ասածը լիներ»։