Մայրս գիտեր՝ բժշկական համալսարան եմ ընդունվել, բայց գյուղատնտեսականի հայտ էի տվել․ Արթուր Վանեցյան
ԱԺ «Պատիվ ունեմ» խմբակցության ղեկավար Արթուր Վանեցյանը երեկ Հանրային հեռուստաալիքի «Առանց թեմայի» հաղորդման ընթացքում անդրադարձել է իր կրթությանը՝ գյուղատնտեսությունից մինչև իրավունք։ Նա պատմել է, որ մանկուց սիրել է կենդանական աշխարհը, հիմա էլ ունի տարբեր կենդանիներ, որոնց խնամքով անձամբ է զբաղվում։
«Ուստի, Գյուղատնտեսական ակադեմիա ընդունվելու որոշումս գիտակցված էր»,- ասել է նա։
Այդուամենայնիվ, Արթուր Վանեցյանը նշել է, որ իր մոր համար անսպասելի էր այդ որոշումը, քանի որ նա հավատացած է եղել, որ որդին Բժշկական համալսարան ընդունվելու հայտ է ներկայացրել։
«Իսկ հետո, երբ զորակոչվեցի ԶՈՒ՝ ծառայության, հասկացա, որ ինձ շատ է ձգում համազգեստը, ծառայությունը, 24/7 ռեժիմով աշխատանքը»,- ասել է նա։
Այնուհետև Արթուր Վանեցյանն աշխատանքի է անցել ԱԱԾ Մասիսի բաժնում՝ որպես կրտսեր օպեր-լիազոր։
Comments