Արթուր Վանեցյանն աշխատանքային հանդիպում է ունեցել Վիտալի Բալասանյանի հետ

ԱԺ «Պատիվ ունեմ» խմբակցության ղեկավար Արթուր Վանեցյանը Ստեփանակերտում աշխատանքային հանդիպում է ունեցել Արցախի անվտանգության խորհրդի քարտուղար Վիտալի Բալասանյանի հետ։

Հանդիպման ընթացքում քննարկվել են Արցախի անվտանգությանը և ռազմավարական ծրագրերին վերաբերող հարցեր։

Ավելի վաղ հայտնել ենք, որ «Պատիվ ունեմ» խմբակցության ղեկավար Արթուր Վանեցյանն իր գործընկերների հետ Արցախում է և մասնակցել է ԱՀ անկախության հռչակման տոնին նվիրված ԱԺ հատուկ նիստին:

«Աղետաբեր պատերազմից և մեծաթիվ կորուստներից հետո մեր երկու պետությունների առջև ծառացած բազում մարտահրավերների առկայության պայմաններում այս օրը հատուկ խորհուրդ ունի, և այդ խորհուրդը մեր միասնությունն է՝ Արցախի հետ միասնական լինելը»,- շեշտել է Վանեցյանն Արցախի խորհրդարանում ունեցած ելույթում։