Արցախի հանձնաժողով ունենալը բովանդակային հարց չէ, այլ քաղաքական ուղերձ է աշխարհին․ Արթուր Վանեցյան
Խորհրդարանում Արցախի մշտական հանձնաժողով ունենալը բովանդակային հարց չէ միայն, այլև քաղաքական ուղերձ է միջազգային հանրությանը, այդ թվում՝ Եվրոպային, Թուրքիային և Ադրբեջանին։ Այդ մասին այսօր՝ օգոստոսի 6-ին, ԱԺ-ում հայտարարեց «Պատիվ ունեմ» խմբակցության ղեկավար Արթուր Վանեցյանը։
«ԱԺ-ում իմ առաջին ելույթն ամենակարևոր հարցերից մեկի մասին է՝ վերքերի մեջ արնաքամ եղող Արցախի։ Իմ նախաձեռնությամբ «Պատիվ ունեմ» խմբակցությունն առաջարկել է խորհրդարանում ստեղծել Արցախի մշտական հանձնաժողով, որին միացել է «Հայաստան» խմբակցությունը։ 44-օրյա պատերազմը մեզ ստիպում է ունենալ այդպիսի հանձնաժողով։ Սա միայն բովանդակային հարց չէ, այլև քաղաքական ուղերձ է միջազգային հանրությանը։ Մենք պետք է ապացուցենք աշխարհին, որ չենք մոռացել Արցախի մասին, ձեռքներս Արցախից չենք լվացել»,- ասաց Արթուր Վանեցյանը։
Մանրամասները՝ տեսանյութում։
Comments