Չորս ամիս է՝ բանակցում ենք ադրբեջանցիներն Սև լճից հեռացնելու շուրջ, ո՞ր փուլում եք․ Արթուր Խաչատրյան

Արդեն հինգ ամիս է, ինչ ադրբեջանցիները Սև լճում են, իսկ չորս ամիս առաջ իշխանությունները հայտարարեցին, որ բանակցում են։ Այդ մասին այսօր խորհրդարանում ասաց «Հայաստան» խմբակցության պատգամավոր Արթուր Խաչատրյանը։

Նա հարցրեց, թե չորս ամիս ի՞նչ է բանակցվում, և ի՞նչ առաջընթաց կա։

Ի պատասխան՝ Ալեն Սիմոնյանն ասաց, որ պաշտոնական տեղեկատվությունից զատ, այլ բան ասել չի կարող։ Բացի այդ, նշեց, որ ուղիղ եթերում չի կարող ասել, թե ինչ է բանակցվում։

Արթուր Խաչատրյանն էլ հարցրեց, թե ո՞ւմից է գաղտնի պահվում՝ ադրբեջանցիների՞ց, որոնց հետ արդեն բանակցում ենք։