Վերաքննիչ դատարանն Առուշ Առուշանյանի խափանման միջոցի վերաբերյալ որոշումը կհրապարակի 2 օրից
Aug 3, 2021
1 min read
Վերաքննիչ քրեական դատարանը՝ դատավոր Մնացական Հարությունյանի նախագահությամբ, հեռացել է խորհրդակցական սենյակ՝ Գորիսի համայնքապետ Առուշ Առուշանյանի նկատմամբ կալանավորումը որպես խափանման միջոց ընտրելու որոշման դեմ բողոքի վերաբերյալ որոշում կայացնելու։ Այդ մասին գրել է pastinfo.am-ը։
Դատարանի որոշումը կհրապարակվի օգոստոսի 5-ին՝ ժամը 12։30-ին։
Առուշ Առուշանյանին կալանավորելու որոշման դեմ բողոքը դատարանը քննել է առանց պաշտպանների ներկայության։
Պաշտպանը դատարանին ինքնաբացարկ հայտնելու մասին միջնորդություն էր ներկայացրել՝ մտահոգություն հայտնելով բողոքի մակագրման գործընթացի վերաբերյալ, իսկ դատարանի կողմից միջնորդությունը մերժելուց հետո պաշտպանները չեն մասնակցել բողոքի քննությանը։
Մանրամասն՝ սկզբաղբյուրում։
Comments