«Թզբեխ քցող, թաթալաբազ» ղեկավար մեզ պետք չէ․ շուռնուխցի Աշխարհաբեկ

Շուռնուխցի Աշխարհաբեկն (Արարատ Աղաբեկյան) այսօր Գորիսում «Հայրենիք» դաշինքի քարոզարշավի ժամանակ անդրադարձավ զոհված հայորդիների մասունքների պահման «խայտառակ պայմաններին»։

Նրա խոսքով՝ սթափվելու ժամանակն է, ողբալի է այն վերաբերմունքը, որ այս իշխանությունը տածում է նահատակված զինվորների աճյունների հանդեպ։

«Նման ղեկավարությունն իրավունք չունի գործելու, թզբեխ քցող, թաթալաբազ ղեկավար մեզ պետք չէ, մեր ազգին պետք չէ»,- ասաց նա։

Ըստ Աշխարհաբեկի՝ հայ ժողովրդին պետք է մի ղեկավար, որից, իրոք, «մարդու հոտ է գալիս», որը միշտ հաղթանակներ է տարել, որից հաղթանակի բարութի հոտը դեռ չի անցել։