Հայաստանը Ռումինիայում կայանալիք WUKF-ի աշխարհի առաջնությանը կմասնակցի ոչ պետական միջոցներով

Սեպտեմբերի 23-26-ը Ռումինիայի Կլյուչ քաղաքում տեղի կունենա WUKF-ի՝ «Աշխարհի կարատեի ֆեդերացիայի» աշխարհի առաջնությունը, որին կմասնակցեն 70-75 երկիր, այդ թվում՝ Հայաստանը, Ադրբեջանն ու Թուրքիան։

Հայաստանը կներկայացնի հինգ մարզիկ՝ կարատեի ու Եվրոպայի եռակի չեմպիոն, Հայաստանի կարատեի միության հիմնադիր Կամո Ունանյանը, Դավիթ Թարոյանը, Հովհաննես Հովհաննիսյանը, Սերգեյ Դալլաքյանը և Գևորգ Ղազարյանը։

Ի դեպ, 5 մարզիկները գալիք առաջնությանը կմասնակցեն ոչ թե պետական որևէ աջակցությամբ, այլ ռուսաստանաբնակ հայ բարերար Լիլիթ Կարապետյանի ֆինանսավորմամբ:

Եվրոպայի եռակի չեմպիոն, Հայաստանի կարատեի միության հիմնադիր Կամո Ունանյանը նշել է, որ այս մրցումներում իրենք պետք է հաղթեն ու իրենց հաղթանակները նվիրեն պատերազմում զոհված տղաներին։