Ասկերանի բնակիչը գտնվում է ռուս խաղաղապահների մոտ. ԱՀ ՄԻՊ-ը մանրամասներ է ներկայացնում
- Dec 29, 2021
- 1 min read
Արցախի ՄԻՊ Գեղամ Ստեփանյանը տեղեկացրել է, որ այսօր առավոտյան Արցախի Հանրապետության Ասկերանի շրջանի բնակիչը, որը մոլորվելու հետևանքով հայտնվել էր ադրբեջանական զինված ուժերի վերահսկողության տակ գտնվող տարածքում, վերադարձվել է և գտնվում է ռուս խաղաղապահների մոտ։
«Այսօր առավոտյան Արցախի Հանրապետության Ասկերանի շրջանի Այգեստան համայնքի բնակիչ, 1971թ. ծնված Արմեն Վերդյանը մոլորվելու հետևանքով հայտնվել էր ադրբեջանական զինված ուժերի վերահսկողության տակ գտնվող տարածքում և վերջիններիս կողմից վերցվել արգելանքի։
Արցախի անվտանգության մարմինների և ռուս խաղաղապահների կողմից վարված բանակցությունների արդյունքում քաղաքացիական անձն այս պահին վերադարձվել է, գտնվում է ռուս խաղաղապահների մոտ, շուտով կփոխանցվի հայկական կողմին»,- ֆեյսբուքյան իր էջում գրել է Արցախի ՄԻՊ-ը։
Comments