22-ամյա վարորդը իր ծննդյան օրը՝ Mercedes-ով 8 մետր բարձրությունից ընկնում է շին․ հրապարակ(Տեսանյութ)
- Sep 5, 2022
- 1 min read
22-ամյա վարորդը իր ծննդյան օրը՝ Mercedes-ով 8 մետր բարձրությունից ընկնում է շին․ հրապարակ (Տեսանյութ)
Shamshyan.com-ը գրում է․ Այսօր՝ սեպտեմբերի 5-ին, կասկադյորական ավտովթար է տեղի ունեցել Երևանում։
Ժամը 11։40-ի սահմաններում Երևանի բնակիչ 22-ամյա Սևակ Ավագյանն իր վարած Mercedes մակնիշի ավտոմեքենայով Վերին Անտառային փողոցում դուրս է եկել երթևեկելի գոտուց, բախվել էլիտար շենք կառուցելու համար տեղադրված «Ավելի բարեկարգ Երևան» ցուցանակին և մոտ 8 մետր բարձրությունից ընկել էլիտար շենքի համար կառուցվող հատվածում, հայտնվելով երկաթե ամրանների վրա։
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար, տուժածներ չկան։
Դեպքի վայր են ժամանել ՀՀ ոստիկանության Պարեկային ծառայության Երևանի գնդի 1-ին գումարտակի 3-րդ վաշտի պարեկները՝ գումարտակի հրամանատար Արամ Դադոյանի, վաշտի հրամանատար Գևորգ Թորոսյանի գլխավորությամբ։
Տեղում ուժեղացված ծառայություն են կատարել նույն վաշտի ավագ պարեկներ Գոռ Հայրապետյանն ու Վահե Հարությունյանը։ Վարորդը տեղում ենթարկվել է սթափության փորձաքննության, նա եղել է ոչ սթափ։
Գ․ Շամշյանի տեղեկություններով՝ այսօր վարորդի ծննդյան օրն է։
Տեսանյութը ստորև
Comments