Բաթումիում դանակահարված հայ դպրոցականին վիրահատել են
- Jul 5, 2021
- 1 min read
Բաթումում հայերի և ադրբեջանցիների միջև տեղի ունեցած միջադեպի հետևանքով դանակահարված հայ տղային` Մարտունիկ Ուստյանին վիրահատել են. նրա կյանքին վտանգ չի սպառնում։ Տեղեկությունը Sputnik Արմենիայի հետ զրույցում հայտնեց Սամցխե-Ջավախքի մեդիա վերլուծական կենտրոնի տնօրեն էդուարդ Այվազյանը։
Նրա խոսքով` ադրբեջանցիները` 5-6 հոգով են եղել, մոտեցել են 3 անչափահաս հայ տղաներին և, իմանալով, որ նրանք հայեր են, սկսել են հարցուփորձ անել, թե` «Ղարաբաղը մե՞րն է, թե՞ ձերը»։ Դրանից հետո վիճաբանություն է սկսել, որից հետո ադրբեջանցիներից մեկը դանակահարել է Մարտունիկին։
Ի դեպ, Վրաստանի իրավապահները որևէ հայտարարություն չեն տարածել դեպքի առնչությամբ։
Comments