Բայդենն ասել է, թե երբ կավարտվի համաճարակը

ԱՄՆ նախագահ Ջո Բայդենը հայտարարել է, որ կորոնավիրուսի նոր շտամի հայտնաբերումը հաստատում է, որ համաճարակը չի ավարտվի, քանի դեռ ամբողջ աշխարհում պատվաստումներ չեն իրականացնում։ Այս մասին հայտնում է Ռիա Նովոստին։

«Կորոնավիրուսի նոր շտամի մասին լուրերը պետք է ավելի պարզ դարձնեն, որ համաճարակը չի ավարտվի, քանի դեռ պատվաստումները համաշխարհային բնույթ չեն կրում»,-նշված է Ջո Բայդենի հայտարարության մեջ։ Բայդենը կոչ է արել պատվաստանյութերից հանել մտավոր սեփականության սահմանափակումը, որ հնարավոր լինի այն արտադրել ամբողջ աշխարհում։