Բերման է ենթարկվել «Նիկոլ հեռացիր» գոռացող քաղաքացին

Կառավարության շենքի դիմաց բողոքի ակցիա էին իրականացնում անհետ կորած զինծառայողների հարազատները։ Միևնույն ժամանակ հրապարակի կենտրոնական հատվածում՝ շատրվանների մոտ կարմիր բերետավորները բռնի կերպով բերման ենթարկեցին վարչապետի հրաժարականի մասին բարձրաձայնած քաղաքացուն։ Երիտասարդ տղան շան հետ զբոսնում էր Հանրապետության հրապարակում ու բղավեց՝ «Նիկոլ, հեռացիր»։

Կառավարության մոտ հավաքված կարմիր բերետավորները վազեցին նրա ուղղությամբ՝ թևերից բռնելով տարան դեպի ոստիկանանական մեքենա: