Ջոան Ռոուլինգը Հարրի Փոթերից հետո թողարկել է առաջին մանկական գիրքը

Բրիտանացի գրող Ջոան Ռոուլինգը նոր մանկական գիրք է թողարկել, որը կոչվում է Սուրբծննդյան խոճկոր. այդ մասին գրում է Daily Mail-ը։

Փոքրիկ ընթերցողները կծանոթանան Ջեք անունով 7-ամյա տղայի հետ, ով մեկնում է կորուսյալ խորհրդավոր երկիր, որտեղ իշխում է սարսափելի հրեշը, որից Ջեքը փրկում է իր սիրելի խաղալիքին՝ Փոկ անունով խոճկորին։

Ռոուլինգի խոսքով՝ գիրքը գրելու համար իրեն ոգեշնչել է իր որդին՝ Դևիդը և նրա սիրելի խաղալիքը՝ փափուկ գոճին։

Ժամանակին Ջոանն այնքան էր անհանգստանում, որ խաղալիքի կորուստը կտխրեցնի տղային, որ նույնիսկ նման մեկ այլ խաղալիք էր գնել փոխարինման համար։ Սակայն Դևիդը պատահաբար գտել է այն և ենթադրել, որ դա իր հին խոճկորի եղբայրն է։

Սուրբծննդյան խոճկորը հրատարակվել է անգլերեն և ավելի քան քսան լեզուներով:

Նշենք, որ Հարրի Փոթերի մասին վեպերից հետո Ռոուլինգը մանկական գրքեր չի գրել: