Բրիտանիան և Իսրայելը Իրանի միջուկային ծրագրի դեմ համատեղ հայտարարությամբ են հանդես եկել

Մեծ Բրիտանիայի և Իսրայելի արտաքին գործերի նախարարներ Լիզ Թրասը և Յաիր Լապիդը հայտարարել են, որ համատեղ ջանքեր կգործադրեն Իրանի միջուկային ծրագրի զարգացմանը հակադրվելու համար. այդ մասին հաղորդվում է երկու երկրների նախարարների հոդվածում, որը հրապարակել է The Telegraph-ը։

«Մենք աշխատելու ենք օր ու գիշեր, որպեսզի Իրանական ռեժիմը երբեք չդառնա միջուկային տերություն», - ասված է հրապարակման մեջ։

Նշվում է, որ այս կերպ կողմերը ներկայացնում են իրենց նոր «Փոխըմբռնման հուշագիրը»։ Համաձայնագրի ստորագրումը նախատեսված է նոյեմբերի 29-ին։