ԲՏԱ նախարարությունը ծառայության մատուցումից 2 ամիս անց է պայմանագիր կնքել նորաստեղծ ընկերության հետ

ԲՏԱ նախարարությունը «Հայաստանի հռթիռամոդելային ասոցիացիա» հիմնադրամի հետ Ամառային տիեզերական ճամբարի միջոցառումների կազմակերպման համար 4 մլն 92 հազար դրամ ընդհանուր արժեքով պայամանգիր է կնքել։ Ըստ պայամանագրի՝ ընկերությունն օգոստոսի 29-ից սեպտեմբերի 1-ը ներառյալ Լոռու մարզի Դսեղ գյուղում կազմակերպել է ամառային ճամբար։

Թեև ծառայությունը մատուցվել է օգոստոսի 29-ից սեպտեմբերի 1-ը, պայմանագիրը կնքվել է հոկտեմբերի 12-ին։

«Հայաստանի հռթիռամոդելային ասոցիացիա» հիմնադրամը պետական գրանցում ստացել է այս միջոցառման կազմակերպումից 2 ամիս առաջ՝ հունիսին։ Ընկերության տնօրենը Հայկ Սամվելի Մարտիրոսյանն է։

Նշենք, որ միջոցառման կազմակերպիչների ցանկում է նաև «ԱՅԱՍ տիեզերական ընկերություն» ՀԿ-ն, որը կառավարության էլեկտրոնային ռեգիստրում որոնման արդյուքնում տեսնում ենք, որ պատկանում է կրկին Հայկ Սամվելի Մարտիրոսյանին, իսկ ՀԿ-ի նախագահն Ավետիք Գրիգորյանն է։

Արմինե Նավոյան